चाळीसगाव - मनुष्यबळ विकास लोकसेवा अकादमी संस्थेच्या प्रेरणेने संपन्न झालेल्या राज्यस्तरीय गुणिजन गौरव पुरस्कार अंतर्गत मेहुणबारे येथील अनुदानित आदिवासी आश्रमशाळा, मेहुणबारे ता. चाळीसगाव जि. जळगाव या शाळेने 2022-23 या शैक्षणिक वर्षात शाळेमध्ये राबविलेल्या अनेक नाविन्यपूर्ण सहशालेय उपक्रम जसे वृक्षारोपण, विविध उपक्रमांमध्ये विद्यार्थी सहभाग,शालेय गुणवत्ता, इत्यादी बाबत केलेले सादरीकरण याची दखल घेऊन राज्यस्तरीय आदर्श शाळा गुणवत्ता पुरस्कार 2023 सन्मानपत्र, सन्मानचिन्ह व गौरवपदक देऊन गौरविण्यात आले... सदर पुरस्कार सन्मानचिन्ह व प्रमाणपत्र शाळेस प्राप्त झाले असून याबद्दल शाळेचे संस्था अध्यक्ष अण्णासाहेब राजेंद्र रामदास चौधरी, सचिव बापूसो विजय रामदास चौधरी यांनी माध्यमिक व प्राथमिक विभागाचे मुख्याध्यापक तसेच शाळेतील सर्व कर्मचारी वृंद व विद्यार्थी यांचे अभिनंदन केले आहे...
